Në vazhdën e veprimeve hetimore në lidhje me rastin e titulluar “Dinari serb” Policia e Kosovës gjatë ditës ka realizuar kontrolle të filialës në bankën e ashtuquajtur “Nardodna Banka” në rrugën “Knjaz Millosh” në Mitrovicë Veri, me ç’ rast është kontrolluar një Kasafortë e cila në kohën e kryerjes së kontrollit me datë 20.05.2024 nuk ishte arritur të hapej në mungesë të personit përgjegjës i cili kishte çelësat.
Hetuesit policor kanë arrit që me datë 29.05.2024 të identifikojnë menaxherin e pikës, e cila është kontaktuar dhe ka sjellë çelësat e kasafortës në prezencën e së cilës është hapur dhe janë sekuestruar mjetet monetare si në vijim:
1. 152,290.00 Dinar (njëqind e pesëdhjetë e dy mijë e dyqind nëntëdhjetë dinar serb)
2. 4580€ (katërmijë e pesëqind e tetëdhjetë euro)
3. 940 CHF (Nëntëqind e dyzet franga zvicerane)
Sipas Policisë, pas përfundimit të kontrollit menaxherja e pikës është intervistuar në cilësinë e të dyshuarës në prezencën e Avokatit mbrojtës, përderisa procesi i kontrollit është zhvilluar pa asnjë incident.
“Hetime të tjera profesionale lidhur me rastin janë në proces dhe të gjitha vendimet ligjore në vazhdim do të ndërmerren në koordinim me organet e drejtësisë”,thuhet në një komunikatë të Policisë së Kosovës. Raporton/ Rrjeti.Info
