Kryesia e banorëve të Reçakut të Shtimes kanë thirr mbledhje të jashtëzakonshme për të kundërshtuar deklaratën e avokatit Tomë Gashi i cili në një deklaratë publike pati thënë se një polic i Serbisë ka qenë dhëndër i Reçakut.
“Kryesia e fshatit Raçak fton të gjithë qytetarët e fshatit që të marrin pjesë në mbledhjen urgjente nesër me datën 30.06.2024 në ora 20:00, e cila do të mbahet në objektin e ndërtuar në oborrin e shkollës se vjetër të fshatit. Për këtë mbledhje është paraparë ky rend dite: Reagim ndaj Avokatit Tomë Gashi i cili ne TV Dukagjin tha se “një polic i Serbisë ka qenë dhëndër i Raçakut dhe për këtë arsye forca Serbe kanë hyrë me lehtësi në Raçak dhe kanë kryer masakër”, thuhet në reagimin e banorëve të Reçakut.