Në përvjetorin e 26-të të Betejës së lavdishme të Koshares, kryetari i AKK-së, Ramush Haradinaj, bëri homazhe në Kompleksin Memorial në Koshare, raporton Ekonomia Online.
“Jemi në vendin ku pushojnë heronjtë e Kosovës: Agim Ramadani, Sali Çeku, Xhemail Fetahu e plot të tjerë heronj që bënë historinë, që e thyen kufirin shqiptaro-shqiptar. Ata që mposhtën regjimin e Millosheviqit, forcat e tij. Ata që i dhanë shpresë lirisë së Kosovës, edhe ata që janë themel të lirisë sonë. Besoj që për të gjithë ne është nder të jemi këtu, t’i kujtojmë, t’i nderojmë dhe t’i përjetësojmë jo vetëm në kujtime, por edhe në punët që bëjmë që të forcojmë lirinë, që të forcojmë kombin”, tha Haradinaj./Ekonomia Online/
