Në kuadër të mbështetjes që Ministria e Shëndetësisë po i bën shëndetësisë primare të komunave të Kosovës, kryetari i Shtimes Qemajl Aliu ka thënë se janë të gëzuar që edhe si Komunë e Shtimes janë përfitues të donacioneve të nivelit qeveritar.
“Kësaj radhe kemi përfituar një autoambulancë moderne, tejet e nevojshme për sistemin tonë shëndetësor. Kjo ndihmë është mbështetja e tretë brenda pak ditësh nga Qeveria Kurti, pas projekteve milionëshe të Entit Special dhe QKMF-së. Falënderoj Qeverinë e Kosovës, Ministrin Arben Vitia dhe Zëvendësministrin Arsim Berisha për mbështetjen e pakursyer ndaj Komunës sonë”, ka shkruar Aliu.
